Árið er 3033. Úti er öll trú. Geim/vélmenna/stuðsöngleikssýningin VITFÚS BLÚ er handan við hornið. Eru þið tilbúin? Eru þið í stuði!?!?! Eins gott að panta miða sem fyrst, því aðeins takmarkaður fjöldi fær aðgang að Club DMX til að hlusta á Valerie Poppskínu fara með sinn nýjasta hittara: „Gimme Your Face”. Algríma Alheimsforseti er um þann mund að fullkomna Sálsundrunginn sem hún ætlar að nota til að sprengja sál mannkynsins. Mun henni takast það? Eða mun VITFÚS BLÚ stöðva hana í tæka tíð? Og mun takast að lögleiða hjónaband róbóta og manna? Vitfús Blú og Vélmennin er nýr íslenskur söngleikur sem fagnar ófrumleikanum og þversögnum mennskunnar í gegnum ýktan dans, stórsöng og ofleik.